【香港走走】尖沙咀新開岸久市場! 勁玩嘢DIY居酒屋

尖沙咀厚福街的H8大廈一向是老饗蒲點,因為成棟大廈都係餐廳,而今期又多一個新選擇比大家,於2019年9月新進駐一間日式料理餐廳,只聽個名:岸久市場已經覺得夠玩嘢!原來餐廳真係奉行「玩嘢」態度,主打好多款的DIY料理,比大家親自落手DIY一邊下煮一邊品嘗!而 重點推介種種海鮮料理,新鮮大份又抵食,同朋友傾計食好東西,又多一個好去處!

刺身山打卡able!
三種食法好玩好食 漁師丼飯

首先主打的是岸久市場的 #漁師丼飯 ,一見這刺身山就知道肯定是最打卡able!師傳介紹有三種食法 ,包括︰(1)以紫菜包魚生飯,自製手卷;(2)丼飯食法;(3)加上茶湯變成暖烘烘的茶漬飯 ,種種食法都無阻魚生的鮮甜!漁師丼飯分為 含一整板海膽的 #漁師特上丼飯 ($218) 、附日本松葉蟹肉的 #漁師特選丼飯 ($168) 和 標準的 #漁師精選丼飯 ($128) ,價錢合理,首選一試!

DIY浜焼體驗
必點海鮮及獨家炮製芝士燒

岸久市場另一主打必數 DIY浜焼體驗!相信很多人知道亦有試過來自日本的磯燒食法,這裡同樣可以享受這個樂趣,但岸久市場十分重視海鮮和各食材的新鮮度,啖啖肉的波士頓龍蝦、肉厚鮮甜的活帆立貝、充滿海水鮮味的生蠔等,亦講究客人自燒時的時間掌握,每桌都會符上DIY料理的製法tips!最推介十分抵食的 #龍蝦浜焼盛合 ($528) ,包整隻波士頓龍蝦 、北寄貝仔、鮑魚、活帆立貝和白蜆,兩人共享超滿足,有龍蝦坐鎮亦一點不覺貴!另外亦可選有魷魚 / 赤蝦/ 黃金貝/ 北寄貝仔/ 生蠔 的 #特選浜焼盛合 ($268) 及其他單點燒物。

仲有!這裡自家調製了一種芝士燒食法,混合車打芝士和水牛芝士,一邊燒一邊沾芝士食,配海鮮一流!

最岩愛飯之人
鮮甜白蜆湯底炮製熱乎乎炊飯

如果怕燒物不足飽足,又或是不吃生物,一定推介這款同樣可以DIY的 #海之幸炊飯 ($98) ,先將白蜆放入高湯煮出鮮香湯底,再加飯、蛋液和蟹柳煮出炊飯,最後加入魚生、飯素、紫菜粉、芝士碎等,拌一拌勻就成為美味鮮甜的炊飯!一路食一路自已炮製,最岩愛吃飯又想多D時間同朋友傾傾計!

玩嘢手卷愈卷愈大!
想點卷就點卷

跟店名一樣,貫徹玩嘢style,岸久市場的手卷並不是普通手卷,足料不在話下,上菜的時候是未包好的手卷,因為你可以點叫多幾款不同味道的手卷,將幾條手卷摺疊起來,再一起卷好,就成了超巨型、有幾重口感的 #手卷三文治 ,這全是餐廳日藉負責人Kei San引進的東京流行新食法,幾有趣!手卷選擇包括 海膽吞拿魚蓉手卷($68)、 黑松露帶子手卷($46) 、三文魚手卷($28)、芝麻醬油甘魚手卷($48)、蒲燒鰻魚手卷($32)、蟹子墨魚麵手卷($34)、日本海膽手卷($78)等。

除了主打的 #漁師丼飯 、DIY浜燒、炊飯和百變手卷,岸久市場亦提供多款鐵板燒物如 鋤燒蒜香牛脷 ($98)、鋤燒牛肉壽喜燒 ($88) 、火鍋物如 火焰漁師野菜鍋 ($138)、飯物如一本鰻魚蛋包飯($118) ,也有新鮮刺身和送酒鹹香小吃,不少得來一杯以雪條取代冰塊的盞鬼飲品 #好難飲乳酸汽酒 ,來試試係咪真係咁難飲啦!

餐廳環境闊落,食物高質,人均約$200性價比不錯,位於尖沙咀中心點,下次想同朋友坐得舒服D又有野玩野,就book定枱喇!

岸久市場
址:尖沙咀厚福街8號H8 11樓 
  (港鐵尖沙咀站B1出口) 
電話:2618 8842
時間:12:00 – 15:00 ;17:30 – 23:00
Facebook:https://www.facebook.com/kishihisamarket/